|
Што яшчэ я паспею забыць,
Перш чым шэрае сонца ўзыдзе?
Твой абрыс цi тваё iмя?
Цi - што развiталiся ў крыўдзе?
Не вярнуцца - замецены шлях.
Помню толькi - зiму ты любiла.
Помню холад агню ў вачах...
Я шчэ помню... А ты? Цi забыла?
Помню - стрэў цябе... i не пазнаў.
Вочы, поўныя сонечных промняў,
А за iмi - неба без хмар...
Я глядзеў - i снежань iх помнiў...
Вецер хворы зноў на вясну,
Шэры снег незаўважна знiкае...
Мiж люстэркамi лужын iду...
Забываю цябе, забываю...
2002, люты, 12, аўторак, 0:55
|