[1965 – 2011 вояс]
Вавилов Игорь Александрович (мамыслӧн нимыс - Юлия Васильевна). Чужис Сыктывкарын 1965 воын лӧддза-номъя тӧлысьын 27 лунӧ. Ачыс коми, но, ме кодь жӧ, прӧста сёрнитны кужис сӧмын рочӧн. Гижис кывбуръяс, журналисталiс, сiдзжӧ вуджӧдiс роч вылӧ коми гижысьяслӧн кывбуръяс да висьтъяс. Кулiс виччысьтӧм висьӧмысь лӧддза-номъя тӧлысьын 8 лунӧ 2011 воын. Гуалӧма сыктывкарса Тентюковскӧй шойна ягын.
Коми Республикаса гижысьяслӧн чукӧртчӧм дырйи. Веськыдвылын - Игорь Вавилов. 1999 во.
Авторыслӧн кывбур:
• «Я о Нём ничего не знаю...»
Комиӧдiс (ассьыс кужтӧм сямӧн) - Владимир Цивунин
------------------------------------------------------------------------------------
* * *
Ме Сы йылысь нинӧм ог тӧдлы.
Ӧд дзебисны Сiйӧс дзик метӧг.
Ме Крестсянь сэк вӧлi зэв ылын,
Эг удитышт аддзыны ачым.
И ӧнi ме зэв ылын сiдз жӧ,
И тӧда, мый тӧдмалi водзын.
Веж дӧра йылысь кӧнкӧ лыдди,
Мый сы вылас вуджӧрыс колис...
Ме кевмысян небӧгсӧ видза,
Сiдз, дженьыдик, олӧмным моз жӧ.
Мем тӧдтӧмӧй — вежнясьӧм быттьӧ...
Да сiйӧс ме лыддя, кор сьӧкыд.